كنت امس غالي لاكن اليوم مابيك

أغرس علـى صدر الهوى طعنةايـديك
وادفــن غــلاي ومـاضـي الحب خـلّــه


كنـت أمس غالـي لكـن الـيـوم ما ابـيـك
مــا أبيك لـــو إنّـــك دوى كـــل عـلّــه


مـا أبيك لــو روحــي تـنـازع وترجـيـك
مــادام فــي حـبـك خـضـوووع ومـذلّــه


أبتركك لـو صـوت الأشواق يدعـيـك
وامحـي الغـلا مـن داخــل القـلـب كـلّـه


واطوي زمـن حبـك وصفحات ماضيك
يووم الغـلاياصـاح مـا أنتب هلٍ له


دور عـلــى غـيــري حـبـيــبٍ يـجـاريــك
يـقـبـل خــطــاك ويـحـتـمـل كل زلة


رمــيــت قـلـبــي بـالـعـنــا والتهاليك
وكـرّهـتـنــي بـالــحــب دقّـه وجــلّـــه


واسقيتـنـي هـمـك وانأ بــس أداريك
مـــالـلـوفــاء درب ٍ ضـمـيــرك يــدلّــه,,


بـكّـيـتـنــي والـــيـــوم والله لابــكّــيـــك
دمعك عـلــى فـرقــاي تـبـطـي تـهـلّـه


خـذهـا نصيحة فــي حيـاتـك ووصـيــك
إلاّ حــبــيــبــك لا تحاول تذلّـه


قلـي وش اللـي بـس للـغـدرحـاديـك
وسـيـف الخيانة لـيـه كـفّـك تـسـلـه


حـسـبـي عـلـيـك الله عـنــي يـجـازيـك
مــالــك أمـان ولا عــهـــود ٍومــلّـــه


قـصــة غـــرامٍ مـــات سـبّــةتجـنّـيـك
تِنْقَـش عـلـى صــدر السـحـاب المظلة


تـاهــت مـراكــب حـبـنـا فـــي مـوانـيـك
بـيــديــك مـاخـلـيــت شــي بـمـحــلــه


وش لـي بنبــض القلـــب لـــو صــاح يبكيك
وأنــت أكبـــر جروح العـنـــاوالمـذلــة