قصيدة يذكرني رحيلك للشاعر خالد العتيبي

السلام عليكم ورحمة الله وبركاته

قصيدة أعجبتني للشاعر خالد العتيبي
وهو مشارك في مسابقة شاعر المليون
وهي قصيدة مدح ورثاء للرسول صلى الله عليه وســـلم :

دعت سمرالجدايل وانتخت بالقذلة الهلة ... تبي مني عروس للقصيد ازريت لاغويها

ويوم اني لقيت لها الخلود وجيت ابوصل له ... تنحرك الكلام اللي فهقها دون مغليها

خضع لك راس مسبوق القصايد وانحنى كله ... وانا بك شاعرالدنيا ومشغلها وماليها

يذكرني رحيلك مجلس باق على حله ... مداهيل الرجال اللي تنومسنا مواطيها

هنا سليت سيف يوفي الثارين من سله ... هنا علقت رمح يطعن الجوزا ويطفيها

هنا بينت مصحفك الكريم ودلنا دله ... معك نبدا مواعيد الكلام وننتهي فيها

هنا ساقيت غصن من غلا كنا تحت ظله ... نسولف بالغنا يا بايع الدنيا وشاريها

هنا كان الرجال جبال ما تقبل خنا الزلة ...عمايمها سحاب وابله باقي مواضيها

رجال لو تشوف الماء غدر ما شربته لله ... نبت عشب الرضا يا سيدي بأول مغازيها

هل التوحيد وكنوز العلوم ونصرة الملة ... رجال يضحك التاريخ لولها وتاليها

هنا ماضيك ورياض الخليل اللي رعى خله ... شربنا عذبها مدري لعبنا في مغانيها

هنا تخنقني العبرة وانا اكتب يا رسول الله ...على قبرك نسيت الناس حاقدها وحانيها

وابو قبر يتيه من الفخر بالبيد وتجله .. على حسد تبين من سمايمها وصاليها

ويهناك الوفا قبر يضمك في ثرا تله .. ما دامه بين فردوس الجنان وبين منشيها

وانا لا من ذكرت فراقك اللي في يدي غله ... نسيت ان الليالي شيبتني من بلاويها

على بعد الزمان اللي يعقد الحبل ويحله ... ليامني ذكرتك طاحت الدمعة وراعيها

سلام الله ما هز الصبا نسرينه و فله ... على الطفل اليتيم اللي عطى الدنيا معانيها

أتمنى أن تنال إعجابكم ..

» قصيدة للشاعر الجاهلى زهير بن أبى سلمى
» قصيدة اكو يحجون للشاعر عبد الحسين الحلفي
» قصيدة ولد الهدى للشاعر المبدع عبد الكريم الحسون
» اجمل قصيدة للشاعر العراقي عبدالرزاق عبد الواحد
» اِبتهال - للشاعر : مخلوف علي