انا منيح انت كيفك

السلام عليكم

قصة غريبة عجيبة حصلت مع مواطن عربي
القصة ابتدت عندما كان المواطن العربي
جالس في بيته يرتاح من عناء النهار
واذ بالتلفون يرن
المواطن : الو
المتصل : الو كيفك حالك يا اخي
المواطن : انا منيح انت كيفك
المتصل : طول ما انت بخير انا بخير
المواطن : مين عم يحكي معي
المتصل : انا وزير الصحة العامة وعم اتصل بالمواطنين اتطمن عنهم وعن اخبارهم
المواطن : اهلا وسهلا بسعادتك
الوزير :طمني عنك عايز شي لازمك شي اي نقص انا تحت امرك
المواطن : ابدا ابدا كله تمام والصحة بخير والادوية مجانية والطبابة مجانية
الوزير : اي شيء بتريده انا موجود بالخدمة انا الان بدي اقفل الخط
لازم اطمن على باقي المواطنين
المواطن : الله معك
وبعد ربع ساعة جرس التيلفون يرن
المواطن : الو
المتصل : الو كيفك وكيف احوالك يا اخي
المواطن : انا منيح انت كيفك
المتصل : انا بخير طول ما انت بخير
المواطن : مين معي
المتصل : انا وزير التربية وحبيت اطمن عنكم
المواطن : اهلا وسهلا بمعالي الوزير شرفت يا غالي
الوزير : خبرني لازمك شي عايز شي اولادك ناقصهم شي بالمدرسة
المواطن ابدا ابدا كله تمام
الوزير : اذا لازمهم دروس خصوصية ممكن نفرز لهم استاذة
انت قول واطلب نحنا بالخدمة
المواطن : لا ابدا ما ناقصنا شي
الوزير : انا مضطر اقفل يجب ان اكمل اتصالاتي بباقي المواطنين
المواطن : الله معك
وبعد ربع ساعة
جرس التيلفون يرن
المواطن : الو
المتصل : الو كيفك وكيف الاهل
المواطن : انا منيح انت كيفك
المتصل : انا بخير طول ما انت بخير
المواطن : مين معي
المتصل : انا رئيس الوزراء وحبيت اطمن عنكم وعن اخباركم
المواطن : اهلا وسهلا بك يا سيدي
نحنا والحمد لله بألف خير
رئيس الوزراء: ما لازمكم اي شيء احكي خبرني
المواطن : لا ابدا ابدا كله تمام
نحن بي احلى حالاتنا
رئيس الوزراء : طيب استئذنك لازم اكمل جولتي على باقي المواطنين
المواطن : الله معك
وبعد 5 دقائق يستيقظ المواطن من نومه مفزوع
لقد شاهد اسؤ كابوس في حياته
المسؤولين يتصلو بالمواطنين ويتطمنو عنهم
انه حقا اسؤ كابوس
========

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت