وقف قبل لا تروح

موضوع: وقف قبل لا تروح السبت يناير 16, 2016 5:34 pm

السلام عليكم ورحمة الله وبركاته

وقف قبل لا تروح واسمع ثواني ..!
مانيب من يبكي على شانك أقفيت

لا تحسب اني بغيابك أعاني
او بنثر دموعي إليا اصبحت وامسيت

بالعكس مثلك واجد بهالزماني
وياما بهالدنيا مرضت وتشافيت

كنت احسبك لا ضاق فيا المكاني
بيت لشخص تائه مالقى بيت

مثلت لي دور الخوي الأناني
وانا على النيه بضهرك تعزويت

واللي هقيته فيك عكسه لفاني
ما اذكر أنا في حقك بيوم زليت

لا تحسب الخافق بهجرك يعاني
مالك غلى عندي دامك تغليت

والله فلا اتبع خطوة اللي جفاني
بالعكس عزة خاطري رحت وإن جيت

والله لأنسى كل شخص نساني
ولشوفته والله فلا أقول ياليت

تعبت أدور لي رفيق بزماني
بس هالزمن ماجى على ماتمنيت

من ما راق لي